« Back
Atxaga Fábula aldizkariaren 27. zenbakian
2009-11-20 ¦ Aldizkariak
Atzo aurkeztu zen Logroñon "Fábula" aldizkariaren 27. zenbakia. Bernardo Atxaga izan zen ekitaldian eta "Los paraísos y los gatos" testuaren irakurketa egin zuen.
Fábula aldizkaria Errioxan argitaratzen da, ARLEA elkartearen (Asociación Riojana de Lectores, Escritores y Artistas) eskutik.
Azkenengo zenbakia 27.a da eta Carlos Villar Flor irakasleak zuzendu du. Besteak beste, Atxagaren artikulu bat ere badakar, "La voz de Don Quijote", non zinemaren eta literaturaren arteko berdintasunak eta ezberdintasunak aztertzen dituen. Gainera, Atxagari egindako elkarrizketa bat ere kaleratu da zenbaki berean.
Horrez gainera, Ricardo Moraren artikulu bat ere badakar, "Calas en la narrativa erótica actual en España", eta beste hainbat idazleren kolaborazioak ere baditu, adin eta jatorri ezberdinekoak.
Atzoko ekitaldia zela eta, La voz de la Rioja egunkarian ere elkarrizketa bat egin zaio aste honetan idazleari: El motor del escritor es la memoria y el oficio.