"Paradisuaz" ikuskizuna Iruñeko Planetarioan
11-10-2011 ¦ Hitzaldiak
Datorren ostiralean, urriaren 14an, Bernardo Atxagak eta Jabier Muguruzak "Paradisuaz" ikuskizuna aurkeztuko dute Iruñeko Planetarioan, literatura eta musika uztartuz.
Lehenengoz eta behin kontaera bat da. Ez ordea tonu edo forma beti berdinekoa, osagarri baititu hainbat atal berezi: ipuinak, poemak, pasarte komikoak eta gogoetak.
Batzuetan, katu kontuak aipatzen dira; bestetan, adineko andre batenak edo zeharo pozik dagoen apaiz batenak.
Kontaera ez da hitzekin bakarrik burutzen, musika ere tartean delako. Jabier Muguruzaren kantuek zabaldu egiten dute testuaren esanahia.
Datorren ostiralean, Iruñeko Planetarioan. Sarrera, 10 euro. Karrikiri dendan salgai.
Antolatzailea: Euskara Kulktur Elkargoa.
Laguntzaileak: Planetarioa, Karrikiri, Euskalerria Irratia.