Bernardo Atxaga Kretan da, grezierazko bere azken itzulpena aurkezteko
30-06-2022 ¦ Albisteak
Bernardo Atxaga Grezian da egunotan, Kreta uharteko Kania hiriko 1. Liburu Jaialdian. Bertan, gaur, ekainak 30, gaueko 22.00etan aurkeztuko du grezieraz argitaratu den bere azken itzulpena, Etxeak eta hilobiak eleberriarena.
Spytya kay Tafoy itzuli du Kostas Athanasiouk, eta Ekkremes etxeak argitaratu du. Argitaldari honek atera ditu lehenago ere Atxagaren lanak grezieraz. Aukera bikaina eskaini dio euskal idazleari Kaniako Liburu Jaialdiak, non hizlari gonbidatu nagusien artean aurkeztu duten Atxaga, ehun gonbidatu baino gehiagoren artean.
Era berean, joan den hilabetean argitaratu zen nobela beraren serbierazko itzulpena (Kuce i grobnice, serbieraz baina alfabeto latinoz) Buka Bes argitaletxearen eskutik, Biljana Isailovic-ek itzulia.
Ikus Etxeak eta hilobiak eta bere itzulpenak.