Bernardo Atxaga Mexikon izan da "Días de Nevada" aurkezten
2014-12-11 ¦ Argitalpenak
Bernardo Atxaga Mexikon izan da azken egunotan. Lehenbizi Guadalajarako Liburu Azokan (FIL) hartu zuen parte, eta bere azken lana aurkeztu zuen, Nevadako egunak liburuaren gaztelaniazko edizioa, Días de Nevada. Ondoren, abenduaren 3an, Euskararen Nazioarteko Egunean, Mexiko DF hiriburuko Arte Ederren Jauregian hitzaldi bat eman zuen Javier Aranda kazetariaren galderei erantzunez.
Durangoko Azokaren bezperan, beste Azoka handi bat izan da Atlantikoaren beste aldean, Guadalajaran (Mexiko), eta hantxe izan da Bernardo Atxaga. Abenduaren 1ean Días de Nevada liburua aurkeztu zuen, Alberto Ruy Sánchez idazle ezagunarekin batera, eta gainera azokan antolatutako beste zenbait ekitalditan ere hartu zuen parte.
Ondoren, abenduaren 3an, eta Euskararen Nazioarteko Egunaren harira, hitzaldia eman zuen literaturak Ameriketan duen santutegietako batean, Mexiko DFko Arte Ederren Jauregian. Javier Aranda kazetaria izan zuen bere alboan galdezka. Hizketaldian zehar, besteak beste, Atxagaren lanaren errepasoa egin zuten eta euskal literaturaren egungo egoeraz jarduteko aukera ere izan zuten.
Atxagak Mexikon igarotako egunen inguruko informazio gehiago, bertako hedabideetan:
- La literatura saca a flote el universo del alma humana
- Bernardo Atxaga teje retazos de memorias y experiencias
- Días de Nevada es un reencuentro con el pasado
- El escritor vasco Bernardo Atxaga presente en el Palacio de Bellas Artes
- Bernardo Atxaga presentó su novela Días de Nevada en México
- El periodista Javier Aranda presenta Días de Nevada en la televisión